Myanmar court-in thla thum tang turin Pastor hrem

Myanmar court chuan Evangelical Church pastor, Canada mi chu coronavirus darh tur venna atana dan siamte palzuta puhna thubuaiah thiam loh chantirin, thla thum chhung tang turin nimin khan a hrem. 

Myanmar rama piang, Canadian pastor David Lah hi sorkar dan siam palzutin April 7 khan Yangon-ah inkhawm buatsaih luiin, mi tam tak an kalkhawm nia sawi a ni. An inkhawm lai video clip hi social media lamah post a ni a, hemi hnu hian dan kalha punkhawmna a siam luih avangin thubuai siamsak a ni a, May thla khan man a lo ni tawh a ni. Lah hian Covid-19 a kai bakah, inkhawm a buat­saihnaa tel mi 20 chuangin he hri hi an kai ve bawk.