Rohingya raltlante hruai kir tum vangin HRW-in Bangladesh leh Myanmar a dem

Human Rights Watch (HRW) chuan Bangladesh-a Rohingya raltlante Myanmar rama hruai kirna tum chungchangah, ram pahnihte thiltih chu a dem thu sawiin, Rohingya-te nunna atan a derthawng a ni, a ti.

Kum 2017-a Myanmar sipai­ten beihpui an thlakna avangin, Myanmar ram aṭang hian Roghinya maktaduai khat dawn chu Bang­ladesh ramah an tlanchhia a ni. An zinga a tam ber chu Cox'z Bazar refugee camp-ah awm mekin, hei hi khawvela refugee camp lian ber a ni mek.

Ram pahnihte hian raltlante hruai kir dan ngaihtuahin, ruahmanna pawh an siam tawh bawk. A pilot project atan an zinga 1,100 chu hruai kir hmasak tum a ni a, mahse United Nations chuan an thil kalpui tum dan hi a dik lo tiin a lo sawi fo tawh a ni.

HRW chuan, "Bangladesh thu­neitute chuan an rama Rohingya an tlanchhiatna chhan kha an theihnghilh tur a ni lo a, an tlan­chhiat chhan kha engmah a la danglam chuang lo a ni," a ti.

Hetih lai hian Bangladesh refugee commissioner, Mizanur Rhaman chuan Rohingya raltlante chu amahni berawn hmasa loa haw tir tum nia sawi chu thu dik lo a nih thu a sawi a, 'Kir turte pawh anmahni duhthlannaah kan dah a ni," tiin HRW thil sawi dan chu dik tawk lohah a puh.

Myanmar sipai sorkar chuan Rakhine state-a Rohingya raltlan kirte awmna tur, resettlement camp pahnih a siam tawh a, heng hmun hi tun thla tir lam khan Roghinya mi 20-te chuan an lo tlawh tawh a ni.