Italy ramah tuilian vangin mi 13 thi, mi 13,000 insawnchhuak

Italy rama ruahsur nasa tak avanga tuilianah mi 13 an thi tawh a, mi 13,000 vel chu an chenna in aṭangin an insawnchhuak tawk. Hmun 280-ah leimin nasa tak a thleng bawk.

Tun kar chhunga ruah sur nasa avangin Italy hmarlam, Emilia-Romagna bialah lui 23 chu an lian a, tuilian hian kawngpui 400 vel tichhiain, thlai chin ram zau tak a chim bawk. Sorkar chuan tuilianin a thil tihchhiat hi euro tld 1 hu vel a tling tawh niin a sawi.

Emilia-Romagna presi­dent, Stefano Bonaccini chuan kum 2012-a lirnghing na takin an biala chhiatna a thlen ang mai kha a ni tih a sawi. Hemi rual hian hemi ṭuma chhiatna an tawhna aṭanga a indinthar ang bawk khan, tun ṭuma tuilianin a tihchhiate pawh an din thar leh vek dawn tih a sawi nghal.

Italy sorkar chuan tui­lian tuarte chhawm­dawl­na atan euro mtd 20 pek a tiam. Kar hnih liam taa tuilian vang khan chhawm­dawl hna thawhna tur euro mtd 10 a lo pe tawh a ni.