Hmeichhiate chunga hleilenna Tihtawp phutin Turkey-ah rally nei

Turkey-ah Nilaini khan hmeichhiate chunga hleilenna thleng ṭhin tihtawp phutin rally huaihawt a ni.

Tun hnai kum hnih khat kal ta aṭang khan Turkey-a hmeichhiate chungah hleilenna a thleng nasa hle a, hmeichhe tualthi an awm fo a ni. Hei vang hian hmeichhiate chunga thil thleng duh lohna leh dodalna chu Turkey hmeichhiate hian rally hmangin an lan tir ta a ni. 

Kum 2011-a Council of Europe in inremna a ziah, Istan­bul Convention tia sawi, hleilenna laka hmeichhiate humhalhna dan siam aṭangin Turkey hi a inhnukdawk mai­thei nia sawi thawmte a awm. Hei vang hian he inremna aṭanga inhnukdawk lo tura sorkar phutin, Istanbul Convention chu hmang zel tura sorkar an phut thu kawngzawhte chuan an sawi.