Russia-in Ukraine-a Bakhmut khawpui an la tih sawi; President Putin-a'n Russia sipaite lawmpuina a hlan
Russia chuan Ukraine khawchhak lama Bakhmut khawpui an la tih sawiin, president Vladimir Putin chuan Russia sipai lawmpuina a hlan. He khawpui lak a nih theihna atana beitu sipaite chu lawmman pek an ni vek dawn tih a sawi.
Bakhmut hi mi 70,000 vel chenna niin, Russia-in Ukraine ram a run hnua ram pahnih sipaite inbeih nasatna zingah a tel a ni. Inrinni liam ta khan Wagner Russian paramilary chuan he khawpui hi an kuta a awm tawh niin an sawi.
Ukrain president Volodymyr Zelenskyy chuan Bakhmut hi a tihchhiat vek a nih thu a sawi a, mahse Russia-in he khawpui hi an la tawh nia an sawi chu a pha thung. UKraine Eastern Oprational Command thupuangtu pawhin Bakhmut khawpui chhimthlang lama building eng emaw zat chu Ukraine kutah a la awm a, Russia sipaite bei let tur hian an inpuahchah mektih a sawi ve bawk.
Zirchiangtute chuan Bakhmut khua hi Russia tan hian ṭangkaina lutuk a awm lem lo. Mahse hun rei tak an indo hnua khawpui an la thei hi an tan chhinchhiah tlak leh, an sipaite chophurtu turah ngaih a ni. Ram pahnih sipaite hi nikum August thla aṭang khan Bakhmut khuaah hian an indo tawh a ni.
Khawthlang lam official-te chuan Bakhmut khua lak tuma an beihnaah, Russia sipai 20,000 - 30,000 inkar thi leh hliam an awm hman niin an chhut a, Ukraine lam pawhin an sipai ṭhahnem tak an chan tel bawk.