Sudan-a pawl 2-ten inkahhai puan remti

Sudan ram tualchhung indona thleng mek chu tunkar hi a kar sarihna tur a ni tawh. Thuneitu nih inchuha inbei mek, sipai pawl pahnihte chuan kar sarih chhung inkahhai puan an remti.

Sudan Army leh paramilary Rapid Support Force (RSF)-te chu an rama thuneitu nih inchuhin april 15 aṭang an inbei tawh a, a hma pawhin inkahhai hi an lo puang tawh a, mahse pawl pahnihte hian an inremna siam hi an bawhchhe zui nghal tho a ni.

US leh Saudi Arabia hmalaknain, Saudi Arabia-a Jeddah khuaah Sudan sipai pawl pahnih aiwhte hian inbiakna an nei leh a, ni sarih chhung inkahhai puan hi remtiin, vawiin tlai aṭangin hman ṭan a ni ang. A hmaa a thuphungin inremna an lo siam ang ni loin, tun ṭuma inremna an siamah hi chuan pawl pahnih aiawhte hian an hming an ziah hnan ve ve a n i.

Us secretary of state Antony Blinken chuan, "Silai puak thawmte tihreh a hun tawh, mipuiten haratna awm loa an mamawhte an lamkhawm theih a ngai. He inremna hi zawm ṭha turin pawl pahnihte ka ngen a, khawvelin a lo thlir reng dawn a ni," a ti.

Tualchhung indona thlengah hian mi tam takin nunna an chan tawh a ni. Sudan hi khawvela ram rethei zinga mi niin, tualchhung buaina chhuah hma pawhinmi tam tak chu ram dangte chhawmdawlna ringa khawsa an ni tawh a, tualchhung indona thleng hian an dinhmun a tichhe lehzual hle a ni.