Joe Biden-a'n Japn leh SKorea hruaitu zin tur sawm

US president Joe Biden chuan Japan leh South Korea ram hruaitute chu US-a zin turin nimin khan a sawm.

Hiroshima, Japan-a G7 summit neih karlakah, ram pathum hruaitute hi nimin khan an inhmu a ni. US ṭhianṭha leh thawhpui hnai tak ram an ni ve ve chungin, Japan leh SKorea hi kum 1910-1945 indo laia South Korea mite chunga Japan sipaite chetdan chet dan rawng tak avangin an inkar boruak hi a ṭha hleithei lo.

Mahse SKorea presi­dent Yoon Suk Yeol leh Japan prime minister Fumo Kishida-te chuan ram pahnihte inkar boruak siamṭhat tumin hma an la reng a, SKora pawh­in indo laia tuartute chhawmdawlna pek an nih tur thu pawh a lo puang tawh bawk. Nimin khan Yoon le hKishida hian Hiroshima bomb a nih ṭuma Korea mi thite hriatrengna hmun siam pawh an tlawh dun a ni.

Biden chuan ram pahnih hruaituten an inkar siamṭhat tuma hma a lakna chu fakawm a tih thu a sawi. Nimina an inhmukhawmnaah hian North Korea-in nuclear leh missile programme a kalpui chungchangte pawh an sawiho a, ram pathumte hruaituten meeting an neih hun tur pawh hi tihfel thuai tum a nih bawk.