Iran-in ruihhloa sumdawng mi 3 khaihlum
Iran sorkar chuan ruihhlo tawlhrua puha thiam loh chantir, mi pathum chu Pathianni khan a khaihlum.
Iran hian kuminah thiam loh chantir mi eng emaw zat a khaihlum tawh a, Inrinni khan human trafficking lama inhnamhnawiha puh mi pakhat khaihlumin, Zirtawpni khan nikum November thlaa nawrh huaihawt ṭuma security force kaphluma puh, mi pathum a lo khaihlum tawh bawk.
Pathiannia khaihlumte hi ruihhlo tawlhru pawl member niin judiciary, Mizan online news website chuan a tarlang a, an kut aṭang hian heroin kg 40 dawn man a ni tih a sawi.
Human rights group, Amnesty International chuan Iran hi nikum chhung khan China dawtah jail tang tihhlum tam ber a ni tih a sawi a, kum 2022-a thiam loh chantir a khaihlum zat hi a kum hmasa aiin 75%-in an tam zawk a ni. Nikum chhung khan mi 582 tihlumin, hei hi kum 2015 hnua kum khata mi a tihhlum tam ber ṭum a ni.
Iran Human Rights (IHR) chuan kumin bikah sorkarin mi a tihhlum hi 260 an tling tawh niin a tarlang.