Kum 58 hnuah American officer ruhro thawn haw

Indopui I leh II-naa tel, American sipai officer, major general Harry Kleibeck Pickett ruhro chu Darjeeling, India aṭangin US-a thawn haw a ni ta a, Arlington Natoinal Cemetery-ah phum ṭhat leh a ni ang.

Major General Picket hi kum 1965-a Darjeeling a tlawh laiin a thi a, he hmunah hian phum a ni. A ruhro lak a nih theihna atan hian a chhungte, US sorkar leh Indian official-te chuan hma an la a, Singtom Cemetery-ah a thlan hi hmuh a nih hnuah, West Bengal sorkar hnenah a ruhro phawrh an dil a, phalsak an nih hnuah phawrhin, US-ah thawn haw a ni ta a ni. Kolkata-a US Consul General Melina Pavek chuan, US-a a chhungte bulah Major General Pickett thawn haw a ni chu lawmawm a tih thu leh, India sorkar leh West Bengal state sorkar chunga an lawm thu a sawi.