Nepal sorkarin tlang lawnmi leh Sherpa guide-te chawimawi
Nepal sorkar chuan khawvela tlang sang ber, Mount Everest lawnchhuah a nih champha kum 70-na lawmna pualin, tlang lawn mite leh an hruaitu Sherpa guide-te a chawimawi.
Pathianni khan Kathmandu-ah rally buatsaih a ni a, he hunah hian tlang lawnmi, sherpa guide leh official-te an tel. Sherpa guide chawimawi zingah hian tun season-ah a ṭum 28-na atana Everest tlang lawnchhuak a record siamtu, Kami Rita leh khawvela tlang sang 14-te vawi hnih lawnchhuak tawh, Sanu Sherpa te an tel.
Ke pahnih bul chunga Everest tlang lawn chhuak hmasa ber, Hari Budha Magar chu Nepal tourism minister Sushila Sirpali Thakuri chuan chawimawina a hlan bawk.
Sanu Sherpa chuan, "May 29 hi Edmund Hillary leh Tenzing Sherpa-ten Everest tlang an lawn chhuahna champha a ni a, kan chhuangin khawvelin Sherpa te a hriatna ni a nih avangin kan hre reng dawn a ni," a ti. Kum 2008-a Hillary a thih hnu khan, Nepal hian Everest Day hi a lawm ṭan a ni.
Meter 8,849-a sang, Everest tlang lawnchhuah tum hi kumtin mi tam tak an awm ṭhin a, nunna chan phah pawh tam tak an awm tawh bawk. Kum 2023 climbing season-ah tlang lawn chhuak hi eng emaw zat awm tawhin, an zinga 17 chu chin hriat loh leh thi an awm tawh a ni.