Spain PM-in an ram inthlanpui neih hun tur a puang

Spain prime minister Pedro Sanchez chuan July 23-ah an ram inthlanpui neih a nih tur thu a puang.

Pathiannia regional government 12 leh city hall 8,000-a inthlan neihah khan rorellai, Spanish Socialist Party (PSOE) chuan People's Party (PP) an hneh zo lo a, local election result puan a nih hnuah Thawhṭanni khan PM hian inthlanpui neih hun tur hi a puang ve nghal a ni.

Sanchez chuan, "Head of State (King Felipe VI) pawh biain, inthlanpui neih a nih theihna atana Parliament ṭhiah tura council of minister meeting koh a nih tur thu pawh ka hrilh tawh a ni," a ti. Pathianni inthlan result an thlirin, Spain mipuite tan hun tikhawtlai loa ram hruaitu tura an duh thlanchhuah tir thuai chu a ṭha ber tur nia a ngaih thu a sawi.

Regional leh municipal inthlan neihah hian PSOE hian vote tla aṭangin 28.11% chauh a hmu pha a, PP hian 31.5% a hmu thung. City hall inthlanah pawh socialist chakna ṭhin, Valencia, Zaragoza leh Seville-ah PP hi an chak bawk.