China-in spacecraft Shenozou-16 kapchhuak

China chuan nimin khan an ram hmarthlang lam, Gobi desert-a Jiuquan Satellite Launch Centre aṭangin spacecraft, Shenzou-16, 'Divine Vessel' a tih bawk chu a kapchhuak.

Shenzou-16 ah hian astronaut pathum an chuang a, nikum November thlaa space station-a kahchhuah, Shenzou-15 crew pathumte an thlak ang.

Nimina Shenzou-16 kahchhuahah hian a ṭum khatna atan civilian an tel a ni. A hmaa spacecraft kahchhuahah crew-te chu China rama rorellai, Communist Party military wing, People's Liberation Army member an ni zel a ni. Niminah erawh a vawi khatna atan civil mi, Beijing-a aerospace research institute-a Gui Hachao a tel ve a, midang pahnihte chu commander Jing Haipeng leh spacecraft engineer Zhu Yangzhu-te an ni. China hian kum 2021 hnuah Chinese space outpost-a mihring telna mission a kalpui ṭum ngana a ni.

A ṭum khatna atan manned space mission hi China chuan kum 2003-ah a kalpui ṭan a, USSR leh US dawtah space station-a mihring dah thei ram pathumna a ni. International Space Station-ah telh a nih ve loh hnuah, anmahni pualin space station, Tiangong space station an siam a ni.