NKorea spy satellite kahchhuah tuipuiah a tla

North Korea chuan van thengrenga spy satellie kahchhuah an tum chu chesualin, tuipuiah a tla tih a sawi.

NKorea hian US sipaite chetvel dan thlithlaina turin spy satellite hi kahchhuah a tum thu a lo puang tawh a ni. Mahse nimin khan a satellite kahchhuah hi tuipuiah a tla a, a tla them ṭhenkhat chu South Korea lamin an lo chhar niin state media, Korean Central News Agency (KCNA) chuan a sawi bawk.

Nimina satellite an kahchhuah hi NKorea-in satellite a kahchhuah ṭum rukna leh, kum 2016 hnua a vawi khatna a ni. Mahse kahchhuah a nih hnu lawkah China leh South Korea inrina, economic zone-a tuipuiah a tla a ni.

Spy satellite hi nimin zing, an ram huna zing dar 6:30 vel khan North Korea space launch centre, Tongchang-ri area aṭangin kahchhuah a ni. NKorea space authority chuan satellite tlak chhan, a fel lohna lai chu uluk takin an chhui dawn tih sawiin, satellite dang kahchhuah leh thuai an tum thu an sawi bawk.