Germany-in an rama Russian consulate 4 a khar tir dawn

Germany sorkar chuan Russia rama German official awm thei zat bihthliah sak an nih chhan letna atan, an rama Russian consulate panga zinga pali chu a khar tir dawn tih a sawi.

Germany foreign ministry chuan hemi chungchanga thuchhuah a siamah, Berlin-a Russian embassy chu hawn chhunzawmtir a ni a, general consulate erawh chu pakhat chauh hawn a phal tawh dawn a, a bak palite chu kumin chhungin khartir vek an ni ang, a ti. Russia rama German consulate pathumte pawh a khar dawn a, Moscow-a German embassy leh St Petersburg-a consulate pakhat chauh chu hawn a ni tawh dawn bawk tih ministry chuan a tarlang.

Ram pahnihte inlaichinna hi kum 2022, February thlaa Russia-in Ukraine a run hnu leh, khawthlang ram hrang hrangten Russia ram hrekna an siam hnuah a chhe chho tawh hle a ni. A hma chuan Germany hi Russian oil leitu ram lian ber a ni ṭhin. Tun hnaiah Russia chuan an rama German official awm thei zat chu 350 chinah a bithliah sak a, hei hian Germany sorkar a tilungawi lo hle.