Mexico police-ten mihring ruang dahna bag 45 hmu chhuak

Mexico police-te chuan an ram khawthlang lam, Jalisco state-ah mi bo an zawnna lamah, mihring ruang dahna bag 45 an hmu chhuak.

State prosecutor office chuan thuchhuah siamin, Thawhlehni khan police-te hian kar liamtaa chin hriat loha bo, mi pasarihte an zawnna lamah Guadalajara khaw dai, Zapopan municipality-a kawr pakhat, meter 40-a thuk an enfiahnaah ruang awmna bag tam tham tak hi an hmu chhuak tih a sawi.

Bag-a ruang hmuhte hi tute nge an nih hriat theih a ni tawh lo a, forensic expert-ten an enfiah ang.

Jalisco state-ah hian bag leh, tu thlan tih hriat lohahte ruang chhar a lo ni fo tawh. Kum 2021 khan Tonala municipality-ah mi 11 ruang chu bag-ah hmuh a ni a, kum 2019 khan mi 29 ruang chu bag chhunga bawk Zapopan-ah hmuh a lo ni tawh bawk. Kumin bikah pawh Guadalajara area-ah thlan pangaah mi 33 ruang hmuh a ni tawh bawk a ni.