Turkey President thar atan Erdogan lalut

Turkey President thar atan Recep Tayyip Erdogan chu Inrinni khan rinawmna thu tiamtira lakluh a ni a, President term thum a chelhna tur a ni.

Ankara-a Parliament-a President thar inkhawmah hian ram dang palai eng emaw zat an tel a, an zingah hian NATO secretary general Jens Stoltenbergh leh Sweden prime minister Carl Bildt-te an tel. Parliament-a lakluh inkhawm hman zawhah hian, Presidential palace-ah a lawmna hun buatsaih zui a ni a, he hunah hian ram leh international organisation aiawh, high-level official 78 an tel.

Erdogan hian Inrinni vek khan a cabinet member thar turte a puang zui nghal bawk.

Turkey ram hruaitu ni rei thei ber, kum 69 mi Erdogan hian May 28-a President inthlan thawh hnihna neihah hian vote 52.2% a hmu a, kum nga dang Turkey President a ni leh dawn a ni. Thlan tlin a nih hnua a thusawi hmasa berah, Erdogan chuan an ramin kum 24 chhunga thil man tona nasa ber a tawh mek chu tiziawm leh siamṭha tura hmalak chu a ngaihtuah hmasa ber a nih tur thu a sawi.