Afghanistan-ah zirlai hmeichhe naupang 80 tura hrai an ni

Afghanistan hmar lama primary sikul pahnihah tur hmanga inhraina a thleng a, he thil thlengah hian zirlai hmeichhe naupang 80 zet chu damdawi-ina enkawl ngaiin an awm.

Inrinni leh Pathiannia Sar-e-Pul province-a primary sikul pahniha hmeichhe zirlai naupangte tur hmanga hrai an nih chungchangah, he province-a education department hotu Rahmani chuan zirlai naupangte hi hrai an nih thu leh, sikul inhnaih tak pahniha thil thleng a nih thu leh, zirlai naupangte hi pawl 1 atanga pawl 6 zirlai an nih thu a tarlang. Eng angin nge hrai an nih leh, an taksa dinhmunte erawh a sawi lang lo. He thil titu hi hriat la ni lo mah se mimal thila inhuatna avanga ti niin a ngaih thu a sawi bawk.

Kum 2021, August-a Taliban-te'n Afghanistan-a rorelna an chan hnua hmeichhiate zalenna leh chanvo rap bet zawnga hma an lak chhoh hnuah, hetianga inbeihna hi a thlen hmasak ber ṭum a ni. Afghan hmeichhiate dinhmun hi a chep chho tawh hle a, pawl 6 chin zirlai hmeichhiate chu an zirna chhunzawn khapsak an ni a, pawn chhuahnaah pawh khuahkhirhna khauh tak siamsak an ni bawk a ni.