New Zealand PM hlui Jacinda Ardern chawimawi

New Zealand prime minister hlui Jacinda Ardern chu an ram chawimawina sang hlan a ni a, 'Dame Grand Companion' ah puan a ni.

Jacinda Ardern hi Covid-19 hripui len laia hri dona kawnga a hnathawh leh, firfiakte'n Christ church an beih ṭuma a hmalakna avangin chawimawina hi hlan a ni. Prime Minister Chris Hipkins chuan Ardern hi an ramin hun harsa a tawh laia ram tana a beihna leh a hnathawhna avangin chawimawi a ni, a ti. New Zealand ram tana a inpekna chu ropui a tih thu a sawi bawk.

Ardern hi kum 2017 khan New Zealand prime minister atan lakluh a ni a, kumin January thla khan sawi lawk loin PM aṭanga a ban thu hi a puang a, an ram kaihruai zui zel turin a tlin tawh lo niin a sawi a ni.