Haiti ramah tuilian leh leimin vangin mi 42 an thi

Haiti ramah ruah sur nasa avanga tuilian leh leiminah mi 42 an thi tawh a, chin hriat lohin mi 11 an awm mek bawk.

United Nations chuan ruah sur vang hian mi 37,000-te chuan harsatna tawkin, mi 13,400-te chu hmun him lamah an insawn tawh thu a sawi.

Haiti khawpui, Port-au-Prince chhimthlang lam, km 40 vela hla Leogane khua chuan harsatna tawk nasa berin, tuilian hian khaw chhungah chhiatna nasa tak a thlen a ni. Leogane mayor Ernson Henry chuan tuiin chenna in tam tak a chim bakah, an thlai chinna hmunte pawh a chhe nasa a, an ran vulh thlengin an tuar tawh tih a sawi. Khaw chhung mite chuan ei tur, tui thianghlim in tur leh damdawite an mamawh tawh hle tih a sawi.

Gang pawikhawihna thlente, politics mumal lo leh economy dinhmun ṭha lo avangin Haiti ram hian harsatna an tawk reng a, an ram mipui zahve vel chu chhawmdawl ngaiin an awm reng a ni.