Hong Kong sorkarin 'Glory to Hong Kong' protest song khap turin ngen

Hong Kong sorkar chuan protest song, 'Glory to Hong Kong' chu nikum khan khawvel huapa infiamna lam intihsiakna eng emaw zatah, city anthem anga play a nih thu sawiin, he hla hi tihchhuah khap turin court-ah a ngen.

Department of Justice chuan thuchhuah siamin, he hla hi 2019-a democracy thlawpa nawrh huaihawte'n unofficial anthem atana an hman zui vangin, he hla hi khap turin court-ah ngenna thehluh a nih thu a sawi. Sorkar chuan he hla thu-ah hian court-in an ram aṭanga inhnuhdawh duhna lam hawi nia a sawite pawh a tel tih tarlangin, China national anthem, 'March of the Volunteers' aiah Hong Kong anthem anga ngaiin, international event-ah play sual a awm fo thei dawn tih a sawi.

Kum 2020 khan Hong Kong sorkar chuan protest slogan, 'Liberate Hong Kong, revolution of our times' tih chu a lo khap tawh a, 'Glory to Hong Kong' tih hlaah hian slogan an lo khap tawh hi a chuang tel niin a sawi. Hei vang hian he protest song hi tichhuah,sak, a thu print chhuah leh hralh leh sem darh-te khap vek a duh a ni.