China-a college entrance exam-ah zirlai mtd 13 inziak lut

China rama college entrance examination, 'gaokao' tia an sawiah zirlai maktaduai 13 zet an inziak lut.

Covid-19 hri leng vanga hun rei tak online class kalpui a nih hnuah, a ṭum khatna atan college entrance examination hi nimin aṭang khan neih ṭan a ni.

Gaokao test hi exam harsa leh hautak tak nia sawi a ni a, core subject - Chinese leh English bakah Mathematics leh an duhthlan dang, Science emaw Humanities subject emawah test hi an nei ṭhin. Exam hi ni li chhung neih ṭhin a ni bawk. Full mark hi 750 niin, university ṭha chang tur chuan mark 600 chuang an hmuh phak a ngai. Exam hnuhnung berah khan an rama mipui tamna ber province, Guangdoang aṭanga test hmachhawn zingah 3% chiahin mark 600 an hmu pha.

Entrance test neih hnuhnung ber, kum 2021-ah khan ram puma zirlai awm zat aṭanga 17% velin gaokao test hi an hmachhawn a ni.

Exam-a dan bawhchhiate chu yuan maktaduai 5 (USD 7,03,482) thleng chawitir theih an ni dawn a, an thil tih dik lohte mipui hriatah puanzar a ni bawk ang.