Australia-in Nazi symbol a khap dawn

Australia sorkar chuan an rama far-right group pawng zel tur dan behna kawng khat atan, ram pumah Nazi symbol hman khapna dan a siam dawn. He dan thar hian Nazi salute erawh a huam lo ang.

State sorkar eng emaw zat chuan an state huam chhungah Nazi symbol hman hi an lo khap sa tawh a ni. Ram pum huapa khapna dan siam turah hian, dan bawhchhiaa Nazi symbol pho lang luite chu kum khat thleng lung-in tantir theih an ni dawn a ni.

Attorney General Mark Dreyfus chuan, "Juda-te suatna rapthlak tak, Holocaust chawi larna lam symbol hian Australia ramah hmun a chang tur a ni lo," a ti. Nazi leh an thuthlung chawi larna lam thil, flag, armband, t-shirt, badge pho lan leh zawrh chhuah bakah, online lama tihlarte chu khap tlat a ni dawn tih a sawi.

Hemi rual hian zirna lamah leh chanchinbu thil leh scientific thil atan chuan Nazi swatiska leh SS symbol tihlan hi phal a ni thung ang.