Germany-in Israel Arrow-3 missile defence lei tum

Germany chuan euro tluklehdingawn 4 dawn hu Israel Arrow-3 missile defence system lei a tum. Lawmaker-te chu an ralthuam leina tur atan hian advance payment, euro mtd 560 pe chhuak turin a ngen dawn.

Arrow-3 missile defence system hi khawvel atmosphere pawn lamah ballistic missile lo dang leh kap thla thei tura duan a ni. Israel missile defence neih ṭhat ber niin, short-range rocket kap thla thei Iron Dome a nei bawk.

Germany chuan Arrow-3 system a lei turah hian sorkar leh sorkar indawr a, kumin kum tawp lama inremna siam hman a tum. Finance Ministry pawhin Parliament-a pharh tur document hi a buatsaih a ni.

Arrow-3 leina tura inremna an siam tum hi a hlawhchham a nih pawhin, Germany hian advance-a a sum lo pek tawh chu a chan vek thung dawn a, hei hi Israel-in a senso phuhrukna atan a hmang ang.

Inremna an tihfel theih chuan, kum 2025 kum tawp lamah German air force-te chuan Arrow-3 hi an dawng hman tura beisei a ni. A tira an ruahman aiin an ralthuam leina tur hi euro tlk 1 in a sang zawk a ni.