Philippine-ah tlang kang vangin mi tam tak sawn chhuak

Philippine-a Albay province-a Mount Mayun tlang kang invawrh chhuak vangin he tlang bul hnaia cheng mi tam tak chu hmun him lamah an insawn chhuak.

Philippine civil defence office chuan tlang bulṭhutah leh a chhehvela thingtlang khuaa cheng mi 12,800-te chu evacuation centre-ah sawn an ni tih a sawi. Health secretary Teodoro Herbosa chuan tlangkang aṭang hian mei vap leh mihringte hip luh atana hlauhawm gas-te a chhuah avangin, a bul hnaia lo awm hi a him lo a ni, a ti.

Mayon hi Philippine khawpui, Manila chhimchhak lam km 330 vela hlaa awm a ni a, he tlang hi an rama tlangkang thlen duhna 24 zingah a tel a ni. Kum nga liam ta khan Mayon tlang kang nasa tak avangin mi sing tel chu sawn chhuah an lo ni tawh bawk a ni. Philippine rama tlangkang vanga chhiatna thleng rapthlak ber chu kum 1991 kha niin, Mount Pinatubo tlang kang vangin mi 800 chuangin nunna an chan a ni.