Saudi Arabia-in China EV company USD tld 6.5 hu inremna ziahpui

Saudi Arabia ministry of investment chuan China rama electric car siamtu, Human Horizons chu thawh dunna tur inremna, USD tld 6.5 hu a ziahpui.

Pathiannia Riyadh-a Arab-Chinese business conference neihah he inremna hi ziah a ni a, hemi ni hian sector hrang hrang - technology, renewable energy, agriculture, real estate, metals, tourism leh healthcare lamah USD tld 10 chuang inremna an ziak a ni.

Khawvela oil thawn­chhuak tam ber, Saudi Arabia leh China hian energy sector lamah thawh dunna nghet tak an lo nei tawh a, an huang hi zauhin, non-oil sector lamah thawh dunna zau zawk siam chhoh an tum leh mek.

Human Horizons hian China-ah hian HiPhi brand hnuaiah electric car hi an siam chhuak a, March thla khan ram pawn lamah inzarpharhin, kumin chhungin HiPhi brand hi European market-ah tlangzarh an tum thu an lo sawi tawh a ni. Saudi Arabia chuan Human Horizons nena inremna an siam hmang hian an ram chhungah domestic electric vehicle (EV) manufacturing industry siam chhoh a tum a ni.