Beijing sorkarin fertility treatment late senso tumsak ve dawn

China khawpui, Beijing city sorkar chuan an rama nau piang zat tla hniam zel siam ṭhat a, nau piang an pun theihna tura a hmalakna kawng khat atan fa neih theihna atana inenkawl, fertility treatment la te senso chu July ni 1 aṭangin a tumsak zel tawh dawn.

Beijing municipal medical insurance bureau-a deputy directory, Du Xi chuan city health care system hnuaia sorkarin senso a tumsak tur hian in-vitro fertilisation (IVF), embryo transplation, semen freezing leh storing te a huam dawn tih a sawi.

China ramah hian nau piang an tla hniam zel a, nikum khan nau piang thar hi mi 1,000-ah 6.77 chauh awmin, kuminah an tlak hniam belh rin a ni bawk. Sorkar chuan nau piang an pun chhoh theihna hma lain, nikum August thla khan National Heatlh Commisison chuan province hrang hrang hnenah fertility rate a ṭhat theihna atana policy siam ṭhat dan tur kaihhruaina pawh a lo pe tawh a ni.