Japan Emperor-in Indonesia a tlawh

Japan emperor Naruhito chuan nimin khan Indonesia a tlawh. Kum 2019-a Chrysanthemum Throne a luah hnua state trip a neihna hmasa ber a ni.

Emperor Naruhito hi a nupui, empress Masako-i'n a ṭawiawm a, June 23 thleng an cham ang.

Japan lal nupa zin hi Indonesia khawpui, Jakarta-a Presidential palace-ah lawmna hun buatsaih a ni a, marching band-te'n Japanese national anthem an lo play a ni. Palace garden-ah hian Indonesia President Joki Widodo leh a nupui, first lady Iriana-te nen thingṭiak an phun bawk.

Japan hian kum 1942 aṭang khan kum thum chuang chu Indonesia hi a awp a, mahse, Indopui II-naa Japan a tlawm hnuah, Dutch rorelna dodalna rawn chhuakin, Indonesia ram pawhin independence an nei zui a ni.

Japan leh Indonesia hian inlaichinna ṭha leh nghet zawk siam tumin hma an la chho mek a, President Widodo pawhin Japan emperor-te nupain an ram an tlawh chu an ram inlaichinna leh, mipuite inṭhianṭhatna tinghettu tur a nih thu a sawi.

Emperor-te nupa hian vawiin hian Jarkata-a military cemetry an tlawh dawn. He hmunah hian Indonesian War of Independence (1945-1949) laia Japan sipai thi 28-te phum an ni. Hei bakah hian Japan puihnaa siam, Jarkata-a Mass Rapid Transit (MRT) train depot pawh an tlawh bawk ang.