Mauritius-ah oil put vangin emergency puang

Mauritius prime minister Pravind Jugnauth chuan an ram tuipuiah Japan lawnglian aṭanga oil tam tham tak put chhuah avangin kar liam ta Zirtawpni khan environmental emergency a puang.

Japanese lawng, MV Wakashio hian fuel ton 4,000 dawna tam a phur a, a bunker tank-a starboard lam aṭangin tuipuiah a put a ni. PM Jugnauth chuan he thil thleng vang hian France ṭanpuina a dil thu a sawi a, an ram tuipuia oil put vang hian tourism lama eizawng mi maktaduai 1.3 a nghawng theih tur thu leh Covid-19 leng vanga an ramin harsatna a tawh mek thu a sawi. Mauritius-ah hian Covid-19 hri kai mi 344 an awm tawh a, he hri vanga thi hi mi 10 an awm tawh a ni.