Honduras hmeichhe tan ina intihbuaina thlengah mi 41 thi

Honduras rama hmeichhe tan in chhungah Thawhlehni khan tangte an intibuai a, buaina chhuakah hian mi 41 an thi.

Buaina chhuahna hmun hi an ram khawpui, Tegucigalpa hmarthlang lam, km 50 vela hla Tamara khaw tan in a ni a, thi zinga a tam zawk hi kah leh vih hlum an ni tih Honduras national police investigation agency thupuangtu chuan a sawi.

Intihbuaina thlengah hian mi 41 an thih bakah, mi dang pasarihin hliam an tuar a, hliam tuarte hi Tegucigalpa damdawi inah enkawl an ni.

Prison system hotu, Julissa Villanueva chuan tan-in chhunga phal loh thil tite an vai hnuah buaina hi a chhuak niin a sawi. Barrio 18 gang member-te chu cell block hrang hranga kalin an tanpuite chu chem leh silai nen an bei a, ṭhenkhat chu an hal bawk niin an sawi. Honduras tan inah hian gang-te awmin tang dangte lakah an inluling ṭhin hle a, dante siamin tan inah hian phal loh thilte an zuar fo nia tarlan a ni.

Honduras President, Xiomara Castro chuan he thil thleng hi a dem thu leh, mawhphurtute chungah hremna na tak lekkawh a nih tur thu a sawi.