China restaurant-a gas puakah mi 31 an thi

China hmarthlang lam, Ningxia Hui Autonomous Region khawpui, Yinchuan-a barbecue restaurant-a gas puak vangin mi 31 an thi a, mi dang pasarih an hliam.

Ni thum awh tur, Dragon Boat Festival holiday urlawka Fuyang Barbecue Restaurant-a mi tam tak an chawlh laiin, an ram huna zan dar 8:40 velah gas hi a puak a ni. Thi zingah hian high school zirlai eng emaw zat an tel. Hliamte hi an dinhmun a ṭha lo hle a, hei vang hian thi zat pawh an la pun chhoh a rinawm thu official-te chuan an sawi. Restaurant neitu hi hren zui a ni.

China ramah hian gas leh chemical puak vangin vanduaina hi a thleng fo a, hei hi thuneitute'n hnathawhna hmunah invenhimna lam kalpui dan an enfiah ṭhat tawk loh ṭhin vangte, thawktute safety training pek ṭhat an nih tawk loh vangte nia sawi a ni. May Day khan petrochemical plant-ah thil puak vangin mi pakua an thi a, February thla khan Inner Mongolia-ah coal mine chim vangin mi 53 an lo thi tawh bawk.