Myanmar defence ministry leh bank 2 hrekna siam

United States (US) chuan Myanmar sipai sorkar hnuaia defence ministry leh, ram dang aṭanga ralthuam leina atana an hman bank pahnihte hrekna a siam thar.

US Treasury Department chuan thuchhuah siamin, civil sorkar paihthlatu Myanmar sipai sorkar chuan ram dang, a bikin Russia company-te aṭangin ralthuamte leiin a la lut a, hei bakah hian ralthuam siamna tur hmanruate pawh a la lut bawk a ni, a ti.

US sorkar hian Myanmar defence ministry chu kum 2021-a civil sorkar a paihthlak aṭang khan, bungrua leh hmanraw dang USD tld 1 vel hu la lut tawhah a puh.

Bank pahnih a hrek tharte hi sipai sorkar hnuaia Myanmar Foreign Trade Bank (MFTB) leh Myanma Investment and Commercial Bank (MICB)-te an ni.

US leh khawthlang ram eng emaw zat chuan Myanmar sipai hotute hrekna hi an lo siam tawh a, hetih lai hian Myanmar sipai sorkar chuan an ram hrekna thar siam hian a tihhrehawm loh thu an sawi thung.