World Bank-in Philippine tan USD mtd 110 loan pek remti

World Bank chuan Philippine in education quality siam ṭhatna tura project a siam atan loan, USD mtd 110 pek a remti tih a sawi.

Philippine sorkar chuan zirna lam hnufualna, an ram chhim lam bialah zirna siam ṭhatna turin project hi a siam a ni. World Bank-in loan a pek tur hi Mindanoa khawthlang lama bial rethei zual pathuma elementary school zirlai, kindargarten aṭanga grade 6 zirlai maktaduai 2 dawn bakah, zirtirtu leh school-a thawk mi 60,000 chuangin an chhawr thei dawn a ni.

Coaching program siamin, zirlaite bakah zirtirtu, school administrator leh supervisor-te thlengin a huam ang.

Philippine ram hian a hmain basic education-a investment chu tipungin, school zirlai inziak lut pawh an pun phah hle a, mahse, Covid19 hri lengin nasa takin zirna hi a nghawngin a tlak hniam leh phah hle a, hei vang hian sorkar pawhin zirna siam ṭhatna turin project-te a siam chho leh a ni.