Myanmar sipaite hnenah bungrua USD mtd 5 hu thawnah BEL puh

Activist group, Justice for Myanmar (JFM) chuan Myanmar sipaite'n thuneihna an chan hnuah, kum 2022 November leh April, 2023 inkar khan Bharat Electronics Limited (BEL) chuan Myanmar sipai sorkar leh a thawhpuite tan bungrua, USD mtkd 5 hu a thawn tih an sawi.

JFM-in investigation report an tihchhuahah, defence ministry hnuaia mi, BEL hian an bungraw thawn turte chu civil sorkar thuneihna paihthla a, an ram mipuite chunga zahngaihna nei loa che mek Myahmar sipai sorkar hman tur a ni tih hre rengin a thawn a ni, an ti. Heng an bungraw thawnte hian sipaite pawikhawihna thlen pawh a tizualkai theih tih a sawi bawk.

India chu international human right leh humanitarian law hnuaia a intiamnate vawng lo leh, Wassenaar Arrangement zawm loah an puh a ni.

May thla khan UN Special Rapporteur chuan India rama company, ṭhenkhat phei chu sorkar hnuaia mite chuan Myamar sipai sorkar thawhpuitute hnenah ralthuam lam chi leh raw material, USD mtd 51 zet an thawn niin a lo sawi tawh bawk. Heng bungrua an thawn zinga 65% dawn chu BEL thawn a ni, a ti.