US Covid relief programme fund USD tld 200 chuang chingpen niin sawi

US sorkarin Covid-19 relief programme a siam aṭangin USD tluklehdingawn 200 chuang bo leh tihchingpen a awm niin Thawhlehni khan federal watchdog chuan a sawi.

Sorkarin coronavirus leng vanga Economic Injury Disaster Loan (EIDL) leh Paycheck Protection Program (PPP) scheme fund aṭanga 17% chu lemchangte hnenah sem a ni tih Small Business Administration (SBA) report-ah a lang niin an tarlang. Hri len lai khan SBA hian EIDL leh PPP fund hi USD trillion 1.2 vel a sem chhuak a ni.

Agency chuan expert-te'n an zir chianna aṭangin sum chingpen hi USD tld 36 vel a tling a, heng zinga 86% chu US President hlui, Donald Trump-a hunlai, kum 2020-a thleng niin an sawi bawk. EIDL aṭanga sum chingpen hi USD tld 136 leh, PPP-a sum chingpen hi USD ltd 64 vel niin an chhut.

US sorkar chuan sorkar assistant programme hnuaia inbumna tam tak a thleng nia sawi hi a chhui a, kum 2021 May thla khan Attorney General Merrick Garland chuan COVID-19 Fraud Enforcement Task Force a din a ni. Nikum khan Justice Department chuan federal prosecutor Kevin Chambers chu fraud scheme hrang hrangte hi chhui turin a ruat leh bawk.