Israel-in F-35 stealth jet 25 lei belh dawn

Israel chuan F-35 stealth fighter jet 25, USD tld 3 man lei belhna tur a pawm.

Ministry of defence chuan nimin khan Lockheed Martin (LMT.N) siam fighter jet 25 lei belh a nih tur thu hi sawiin, an lei belh tur nen hian Israel air force chuan stealth fighter jet hi 75 a nei dawn a ni. Fighter jet hi US aṭanga Israel-in defence aid package a dawn aṭangin lei a ni ang.

Israel hi US pawn lama F-35 nei hmasa ber a ni a, kum 2018 May thla khan indonaa he thlawhtheihna hmang hmasa ber an nih thu an air force chief chuan a lo sawi tawh bawk.

F-35 hi Joint Strike Fighter tia sawi a ni bawk a, Israel chuan Hebrai hming 'Adir' (Mighty) tiin a vuah.

Lockheed Martin leh engine manfucaturer Pratt &Whitney chuan aircraft lam siamnaah Isarel defence company thawhpui hi an lo remti tawh tih Israel defence ministry chuan a sawi.