Khawvel huapa khaw lum ber ni a thleng
US National Centers for Environmental Prediction data-in a tarlan danin, July 4 (Thawhlehni) kha khawvel puma khaw lum ber ni record a ni.
July 3 khan khawvel pumah temperature chawhrualin a lum lam 17.01C a ni a, khaw lum ber ni record awm sa, kum 2016 August thlaa khaw lum lam, chawhruala 16.92C chu khumin khawvela khaw lum ber ni tiin US National Centers for Environmental Prediction chuan a tarlang. Mahse a tuk July 4 khan record hi rawn khum leh nghalin, khaw lum 17.18C niin khawvela khaw lum ni ber record a rawn siam zui leh nghal a ni.
US chhim lamah khua a lum zual hle a, China ramah pawh khaw lum lam 35C chung lam niin, North Africa-ah chuan 50C dawn a tling. Antarctica-ah ṭum dang aiin temperature a sang bawk a, July thlaa khaw lum ber ṭum a thleng.
Scientist-te chuan khawvel huapa khaw lum nasa tak thleng mek chu sik leh sa inthlak dangam bakah, El Nino vang niin an sawi.
Grantham Institute for Climate Change and the Environment-a senior lecturer Friederike Otto chuan, khawvelin record thar a siam chu thil lawmawm lo tak, khawvel mihring leh ecosystem tan thi tura hremna inpek ang maia thil ṭha lo a ni, a ti.