Nepal-in thla 2 chhung "Non-Essential Flights" a khap

Nepal sorkar chuan Mount Everest tlang bula sight-seeing neia khualzinte phurtu, helicopter a chet sual hnuah thla hnih chhung atan helicopter-te chu "non-essential" flight a khap.

Thawhlehnia Everest tlang bula helicopter che sualah hian khualzin, Mexico mi panga leh Nepali pilot pkhat an thi a ni. Sorkar chuan helicopter chet sual dan chhui chiang tur hian investigation committee a din a ni.

Civil Aviation Authority of Nepal (CAN) chuan Nilaini kha thuchhuah siamin, "Non-essential flight hrang hrang - mountain flight, sling flight leh helicopter hmanga pangpar thlak ṭhinte chu September thla thleng khap a ni," a ti.

Nepal ramah hian khawvela tlang sang zual 14 zinga pariat a awm a, heng tlangte hi khualzinte'n an tlawh nasain, helicopter hmangin sight seeing-te an nei ṭhin. Thlawhtheihna chet sualna pawh hi a thleng fo a, kumin January khan tourist city, Pokhara bula thlawhtheina tlaah mi 71 an thi a ni.