Ukraine rama thi journalist hnenah France chawimawina sang hlan

France sorkar chuan kumin May thlaa Russia-in Bakhmut, Ukraine a beih ṭuma thi journalist Arman Soldin (32) chu a thih hnuah France chawimawina sang, Legion of Honour a hlan.

France President Emmanuel Macron chuan Agene France-Presse news agency-ah lehkha thawnin, an video journalist Soldin-a huaisenna chu fakawm a tih thu a sawi. Ningani khan chawimawina sang hi a hlan a ni.

Committee to Protect Journalist chuan Russia-in Ukraine a beihnaah hian journalist 17 vel an thi tawh niin a tarlang.

Soldin hi May 9-a Bakhmut khaw thlang lam, Chasiv Yar bula Ukraine sipaite nena an awmho lai, rocket hmanga beihnaa thi a ni. A kuta camera hum reng chungin a thi niin a thawhpuite chuan an sawi. Hetih lai hian Bakhmut hi Ukraine leh Russia sipaite'n inbeih nasatna hmun a ni.

Nikum February thlaa Russia-in Ukraine a run hnuah, indona hmuna kal a, report pe tura AFT team kal hmasa ber zingah Soldin hi a tel a, nikum September thla aṭang khan Ukraine-ah hian a khawsa zui a ni.