China-in pre-school naupang tura hraitu tihlum

China sorkar chuan kum li liam taa pre-school naupangte thil ei tura sodium nitrate telhsaktu, kindergaten zirtirtu hlui chu Ningani khan a tihlum.

Naupangte ei tura sodium nitrate pawlh a nih avang hian naupang pakhat a thi a, mi dang 24 chu damdawi ina enkawl an nih hnuah an enkawl dam an ni. Tura hraitu, kum 39 mi Wang Yun hi kum 2020, September thla khan Henan province-a Jiaozuo city intermediate people's court chuan thiam loh chantirin, tihhlum turin a lo ti tawh a ni.

Wang hian kum 2019, March thla khan zirtirtu dang pakhat nen an intihbuai hnuah, sodium nitrate hi a tuka kindergarten-te ei tur, "eight treasures porridge"-ah a pawlhsak a ni. An thil ei vang hian naupang zinga pakhat chu a organ hrang hrang chhiain, kum 2020 January thla khan a thi.

Court-in tihhlum tura a hremna hi Wang chuan ngaihtuah ṭha leh turin ngen mah se, a ngenna hi hnawlsak a ni a, Ningani khan tihhlum a ni ta a ni.