Japan, SKorea leh US-in joint drill nei

North Korea-in inter-continental ballistic missile (ICBM) a kah chhuah hnuah, nimin khan Japan, South Korea leh US chuan South Korea leh Japan inkara international water-ah joint naval missile defence exercise an nei.

Nimina joint drill neihah hian ram pathumte hian Aegis radar system-a thuam destroyer-te an hmang niin South Korea Navy chuan a tarlang. An exercise neihah hian ballistic missile lo man (detect) a, lo chhui zui theihna dan thlurbing leh, hemi kaihhnawih information inhrilh tawn dan chungchangte chu thlurbing a ni tih an sawi bawk.

Kar liam ta khan North Korea hian Hwasong-18 missile kap chhuak lehin, hei hi a hmelhma ramte 'warning'-na a ni tih a sawi.

SKorea, Japan leh US hian NKorea missile kah chhuah hi na taka sawiselin, UN Security Council resolution palzutnaa a ni tiin, NKorea chet dan hi Korean Peninsula leh a piah lam thlenga boruak muanawm tichhe thei a ni tih an sawi bawk.