Israel PM Netanyahu damdawi inah dah lut

Israel prime minister Benjamin Netanyahu chu Inrinni liam ta khan a inah nikhaw hre loin a tlu a, damdawi inah dah luh niin, nimin lamah chuan a dinhmun hi a ṭha tawh thung nia sawi a ni.

Prime Minister office chuan PM Netanyahu hi Tel Aviv bula Sheba Hospital-ah enkawl mek a nih thu a sawi a, a chanchin kimchang erawh a tarlang lo. News site-te chuan a harh ṭha tawh a, damdawi inah pawh amahin a tei kual thei niin an tarlang thung.

Kum 73 mi, Netanyahu hi Israel PM ni rei thei ber a ni mek a, kum 15 chuang PM office hi a luah tawh a ni. Tuna a kaihhruai mek, far-right sorkar hi nikum December thla khan lak luh a ni.

Netanyahu hi a taksa lamah insawiselna a nei ngai vak lo nia sawi a ni a, mahse, nikum October thla khan Juda-te'n chaw ngheia ṭawngṭai hun an hman ṭhin, Yom Kippur a hman hnuah a nawmsam loh avangin rei vak lo damdawi inah enkawl a lo ni tawh.