Russia-Ukraine war : Crimea lei beihnaah mi 2 an thi

Russia-in kum 2014 aṭanga a luahsak mek, Ukraine-a Crimean peninsula leh Russia ram inkalpawhna, Kerch bridge chu beih a ni a, mi pahnih an thi.

Kerch bridge hi kum 2018 khan hawn a ni a, km 219-a thui niin kawngpui leh rel hmanga Russia leh Crimea bial inkalpawhna a ni a, Russia sipaite'n chak lakna kawngpui ber atan an hmang a ni.

Russia foreign ministry chuan lei beitu hi Ukraine niin a puh a, US leh UK pawh an inhnamhnawih a ni, a ti bawk. Ukraine lam chuan engmah sawi an la nei lo thung. Transport ministry chuan lei innghahna ber chu a chhe tel lo niin a sawi.

Nikum October thla khan Kerch bridge hi beih a lo ni tawh bawk a, hei vang hian hun eng emaw chen khar niin, kumin February thla khan an hawng leh thei chauh a ni. Ukraine defence official chuan kum 2022-ah he lei beihnaah hian Ukraine a inrawlh thu tun thla tir lam khan a sawi chhuak.

He lei hi tihchhiat a nih chuan Russia sipaite supply line a nghawng buai hle dawn nia sawi a ni a, Crimea-a lei hi an hman theih loh chuan ground suppy line dang pakhat, Sea of Azov-a mi chauh an nei tawh dawn nia sawi a ni.