France tualchhung buaina avangin mi 700 chuang hrem an ni

France rama police officer pakhatin taxi driver a kah hlum avanga thla liam taa tualchhung buaina nasa tak chhuak kaihhnawihah mi 742 chu jail tang tura hrem an ni.

Justice minister Erio Dupon-Moretti chuan buaina chhuak kaihhnawiha thubuai hrang hranga magistrate-te thutlukna siam chu fakin, thupek khauh taka kenkawh chu a ṭul tih a sawi.

June 27-a police officer-in Paris khawthlang lam traffic stop-a taxi driver a kah hlum avang hian ram chhunga khawpui hrang hrangah buaina a chhuak a, kum 2005 hnua France rama tualchhung buaina chhuah nasat ber a ni. Buaina chhuak veng tur hian security force leh police special force 45,000 vel zet leh, armoured vehicle-te duty-tir a ni a, zan li hnuah buaina chhuak hi an thunun thei a ni.

Buaina chhuak kaihhnawihah hian mi 3,700 chuang man an ni hman a, an mi mante kum chawhrual hi kum 17 chauh a ni.