Israel leh Palestinian hruaitute'n Turkey an tlawh dawn

Israel prime minister Benjamin Netanyahu leh Palestinian president Mahmoud Abbas-te chuan Turkey president Recep Tayyip Erdogan sawmna angin, kar leh hian a hran ve vein Turkey an tlawh dawn.

Palestian President Abbas hian July 25-ah Turkey hi a tlawh dawn a, Israel PM Netanyahu hi July 28-ah a kal ang.

Abbas leh Erdogan-te hian Turkey-Palestinian inlaichinna chungchang te, Israel-Palestinian issue leh international development-te an sawi dun dawn a, ram pahnihte'n inzawmna ṭha zawk an neih theih dan pawh an ngaihtuah dawn a ni.

Erdogan-Netanyahu meeting-ah hian ram pahnihte inlaichinna bakah, thawh dunna zau zawk siam dan an sawi dun dawn bawk. Ram pahnihte hian inzawmna ṭha tak siam mah se, Turkish official-te chuan Israel-in Palestinian ram a luahsak, West Bank leh East Jerusalem-a Juda-te chenna tur in a sak ṭhin leh, Gaza Strip-a Palestinian mite dinhmun chhe tak chu a sawisel fo tho a ni.