China-ah school gymnasium chung chim vangin mi 10 an thi

China rama Qiqihar-a school gymnasium chung, concrete chu Pathianni khan a chim a, mi 10 an thi.

Chhiatna thlenna hmun hi China hmarchhak lam, Heilongjiang province-a Qiqihar khuaa Longsha district huam chhunga No.34 Middle School -ah a ni a, zan dar 5-a thleng a ni tih provincial fire and rescue department chuan a sawi.

In chung a chim lai hian gym-ah hian mi 19 an awm a, mi pali chu an tlan chhuak a, a dang 15-te chu a delh a ni. Chhanchhuah hna thawktute chuan in chung chimin a delhte hi la chhuakin, mi pathum chu a hmunah hian an thi a, mi dang paruk chu damdawi inah enkawl an nih hnuin an thi ve leh a ni.

Thuneitute chuan chhiatna thlen dan hi an chhui chiang nghal a, he in satu construction company hotute pawh police-te'n an hreng nghal bawk.