Supreme Court-in Enforcement Directorate hotu hun pawt sei

Enforcement Directorate (ED) hotu, Sanjay Kumar Mishra chu khawtlang leh ram ṭhat zawkna atan September 15 thleng a term pawh seisak a nih thu Supreme court chuan Ningani khan a sawi. September 15 zan laiah ED hotu a nihna hi a tawp ang.

Sorkar laipuiin a ngen avangn ED hotu term hi pawhsei a ni. Supreme court hian July 11 khan Mishra hi July 31 hmaa bang turin a lo ti tawh. Mahse sorkar laipui chuan Financial Action Task Force hna kal mek a awm avangin Mishra-a'n ED hotu hna a chelh chhunzawm a ṭul thu ṭanchhanin October 15 thleng ED tenure hi pawtsei turin a ngen.

Sorkar laipui aiawh, Solicitor General, Tushar Mehta chuan court thutlukna siam a nih hnu hian September 30 thlen pawtsei turin a la ngen a, hei hi Supreme court chuan thil theih a nih tawh loh thuin a chhang. Justice Gavai chuan dan pangngaiah chuan hetianga tenure pawhsei hi an tih ngai loh thu leh, tuna ED tenure an pawhsei pawh hi ram pumin a mamawh rih avanga pawtsei mai an nih zawk thu a sawi bawk.