Taliban-te'n 'necktie' an duh lo, Kraws chhinchhiahnaah ngai

Afghanistan-a rorel lai, Taliban sorkara offiical pakhat chuan necktie awrh chu Islam sakhaw zirtirna nena inmil lo nia sawiin, Kristiante Kraws chhinchhiahna angah a puh a, an rama khap a duh thu a sawi.

Taliban sorkarin mipuite Islam sakhaw zirtirna anga kaihruaitu atana department a din, invitation and guidance directorate hotu Mohammad Hashim Shaheed Wror chuan, "Hospital leh hmun danga ka kalnaah Afghan Muslim engineer leh doctor, necktie awrhte ka hmu fo a ni," tiin necktie chu Kraws chhinchhiahna a ni, Sharia dan hnuaiah hengte hi an tihbo a ngai tih a sawi.

Kum 2021, August thlaa Taliban-te'n thuneihna an chan hnuah hmeichhiate khuahkhirhna hrang hrang siam chho mah se, mipate khuahkhirhna leh an thawmhnaw hak chungchangahte inkaihhruaina engmah siam an la nei lo thung. Official-te chuan thawmhnaw in ang tlang, salwar kameezs, waistcoat leh turban-te an inbel ṭhin.

Taliban-te'n thuneihna an chan hnuah professional ṭhenkhat chuan western clothes an inbel tlem ṭan hle a, mahse, an zinga ṭhenkhat, TV channel-a news reader-te chuan necktie hi an la awrh tlangpui a ni.