Drone hmanga beih vangin Moscow Airport khar

Russia defence ministry chuan nimin zing khan an ram khawpui, Moscow-ah Ukraine drone a lut tih sawiin, hei vang hian Moscow-a Vnukovo international airport pawh hun rei vak lo khar a ni.

Defence ministry chuan Ukraine drone pathum chu Moscow-ah tirh a ni a, heng zinga pakhat chu khawpui daiah an kapthla a, a dang pahnih chu electronic warfare hmanga an lo beih hnuah office complex suin an chhia tih a sawi. He thil thlengah hian hliam an awm lo niin a tarlang bawk.

Moscow hi Ukraine ramri aṭanga km 500 vela hlaa awm a ni a, ram pahnihte an indo hnuah pawh Moscow khawpui hi beih tel a ni ngai lo hle a, mahse kuminah erawh drone eng emaw zat tirh luh a ni tawh.

Nimina zinga drone thlawk lut hi Ukraine tirh ngei niin Russia chuan a puh a, hemi chungchangah hian Ukraine lam chuan sawi an la nei lo thung.