US-in Taiwan sipai chhawmdawlna tur USD mtd 345 pe dawn
US chuan China nena inep mek, Taiwan sipai chhawmdawlna turin USD mtd 345 a pe dawn tih kar liam ta khan a puang.
White House-in Taiwan chhawmdawlna pek tur a puanah hian defence, education leh training lamah puihna tur pawh a tel. Man-portable air defence system, MANPADS bakah intelligence leh surveillance system, fiream leh missile-te pawh a thawn dawn a ni.
US lawmaker-te chuan a hmain Pentagon leh White House chu Taiwan hnena ralthuamte rang zawka thawn turin an lo nawr fo tawh a ni. Hei hi China-in a rikrapna laka a lo invenna leh a lo dan theihna tur atana tih a ni.
China lam chuan US thutlukna siam hi a sawisel nghal a, Taiwan chu ralthuam chhekkhawlna atana hman tumah puhin, US thiltih chuan China mainland-a Taiwan chhunfin a tumna kawnga hmalakna chu a tihtawp phah dawn lo tiha sawi.
China-a Taiwan Affairs office thupuangtu, Chen Binhua chuan, "Eng ang pawhin US ralthuam chu dah lut tam mah se, Taiwan buaina kan chinfel tumna chu a ti danglam dawn lo," a ti.