ISIS-in Pakistan rally-naa bomb tipuaktu an nih tih sawi

Islamic State group chuan Pakistan Bajaur-a political rally neihnaa thihchilh bomb tipuaktu an ni tih an sawi.

Pakistan border district, Bajaur-a Khar khuaa Pathiannia Jamiat Ulema-e-Islam (JUI-F) party rally neihnaa thihchilh bomh puak avanga thi hi mi 54 an tling tawh a, an zingah hian naupang 23 an tel. Mi 200 dawnin hliam an tuar bawk a ni.

Thawhṭanni khan armed group hian thuchhuah siamin, mipui pun khawm tamna laia thihchilh bomb tipuaktu chu ISIL mi a nih thu an sawi. Inkhawm hi chawhnu dar 2-ah ṭan niin, bomb hi tlai dar 4:10-ah a puak a niin official-te chuan an sawi.

Police-te chuan he pawikhawihna thleng kaihhnawihah hian firfiaka chetna, tualthah, tualthah tum leh pawikhawihna dangte hmangin thubuai hi an ziak lut tawh a ni.

Counter-Terrorism Department (CTD)-a additional inspector general Shokat Abbas chuan kawng zawhnaa bomb tihpuah hi kg 10-12 vel niin a sawi.

Bajaur district deputy commissioner, Anwar-ul-Haq chuan bomb puak avanga hliam tuarte chu damdawi inah enkawl emk an ni a, an zingah hian ngaihtuahawm tak tak an awm tih sawiin, thi zat pawh hi an la pun chhoh theih thu a sawi bawk.